Bawngkawn PS in Mobile Phone bo an hmu let
Bawngkawn Police Station chuan Central Equipment Identity Register kaltlanga mobile phone bo an chhui hnua an hmuhlet 30 chu vawiin khan a neitute hnenah an hlan. Bawngkawn OC Room-a mobile phone a neitute hnena an pek let hi a vaiin 30 a ni a, thla liam ta August ni 19 leh tun thla ni 19 inkara mobile phone bo an hmuh let te an ni a, kumin March thla atang khan Phone bo 230 an hmu let tawh a, a vaiin cheng nuai 57 man hu an hmu let tawh a ni.
Bawngkawn Police Station hhian tun hnaiah khawlai Ruihhlo vawrh thin mi 13 lai manin ND&PS Act hnuaiah thubuai 13 an ziak lut a, Kumin chhung hian ILP nei lo Bawngkawn Police Station huam chhuanga khawsa ILP violator Mi 148 lai manin thubuai siam sak an ni bawk.
Bawngkawn Police Station Officer in charge Pu Vanlalpeka DSP (Probation) chuan phone bo awm chu CEIR kaltlangin an chhui thin tih sawiin application ah phone number an chhut lut chuan phone bo ah sim card vuah tu zawng zawng leh vuah thin te a lang thei an ti a, CEIR kaltlangin phone ah chuan tu sim card nge an hman mek tih thlengin a lang thei tih sawiin hnuchhui kawngah an awlsam phah a ti a, kuminah Mobile phone bo 200 chuang CEIR kaltlangin hmuh let ani tawh tih a sawi bawk.
