Aizawl DC in fimkhur turin mipuite a chah
Aizawl Bawrhsap Pu Lalhriatpuia chuan furpui thleng turah chhiatrupna laka him theih nan Local Council hruaitute chu anmahni huamchhung theuhah inralring renga awm turin a chah.
Vawiina Aizawl DC Pisapui Hall-a Aizawl Municipal Corporation (AMC) huam chhunga Local Council Chairman leh Secretary te tana Aizawl DC pisain training a buatsaihah Bawrhsap chuan he thu hi a sawi a. Bawhrsap chuan DC office-in mipui rawng a bawlna kawngah Local Council te chu an kut-ke ber an nih avangin, thawhhona tha an neih bakah an intuaithar ve reng a tul thu a sawi a ni.
Training-ah hian Asst. Commissioner Pi F. Lalnisai chuan Income, Residential, ST Certificate, leh adangte chungchang a zirtir a. Sub-Deputy Commissioner Pi Lalngaihawmi’n “Inner Line Permit chungchang zirtirin Commerce & Industries Dept. hnuaia PM Vishwakarma PMU Consultant in PM Vishwakarma chungchang a zirtir a. P&E SE Pu Zothansanga’n PM Surya Ghar (Solar Rooftop) chungchang a zirtir bawk a ni.
