Ah&vety college, selesih chuan world milk day pualin hun hmang
Vawiin khan College of Veterinary Sciences & Animal Husbandry, CAU (I) Selesih, Aizawl, Mizoram chuan World Milk Day pualin Govt. Primary School leh Govt. Middle School, Selesihte nen hun an hmang. AH & Vety College, Selesiha Department of Livestock Products Technology-a thawktute chuan taksa hriselna atan bawnghnute pawimawh zia zirtirna an nei a ni.
World Milk Day puala hun hmanna ah hian Dr. H. Lalawmpuii, Asst. Professor, Dept of Livestock Products Technology (LPT) chuan bawnghnute chu minting taksa than len nan leh hriselna atana taksa mamawh hrang hrang awmna chaw tha a nih thu sawiin bawnghnute in tam a pawimawh thu leh bawnghnute atanga thil siam chhuah ei thin Kan mamawh thu a sawi. He hun ah hian zirlai naupang chhintute tan Department of Livestock Products Technology hnuai a bawnghnute thianghlim tak a sawngbawl dan leh bawnghnute atanga eitur chi hrang hrang siam chhuahte chu ei thei a phochhuah a ni.
World Milk Day pual hian kumtin June ni 1 ah hun hman thin a ni a, kumin hian khawchhiat avangin hun hi sawn niin thupui atan ‘Celebrating the power of milk’ tih hman a ni a, hmun hrang hrangah Bawnghnute leh bawnghnute atanga thil siamchhuah hrang hrangte thatna leh inzirtirna te hemi ni hian uar taka kalpui thin a ni.
