Agriculture Minister-in Darlawng M/S Silver Jubilee lawmna hmanpui
Vawiin khan Agriculture Minister Pu PC Vanlalruata chuan a bial chhunga Darlawng Middle School Silver Jubilee lawmna chu khuallian niin a hmanpui.
He hunah hian Agriculture Minister Pu PC Vanlalruata chuan thu sawiin School tana tha leh zung lo seng tu, harsatna tam tak paltlanga he school -in hma a sawn theih nana tha leh zung thawhtu zawng zawng te inpekna ropui a tih thu sawiin, khawtlang nu leh pate pawh he sikul a kal zel theihna turin thahnem ngai taka support chhunzawm zel turin a sawm nghal bawk a ni.
Khuallian chuan zirna hian kan dinhmun leh kan nih phak loh thleng min nih tir thei a, sawrkar hna ringawta innghat lo tura zirlaite chahin lehkhathiam chuan hna dang pawh thawk se an tan thil tih a awlsam thin tih hre reng turin a fuih nghal bawk a ni. Hetiang hun lawmawm an tawng thei hi Pathian hnenah lawm thu sawi tur leh School tha taka a kal zel theih nan duhsakna a hlan bawk.
