ADVISER TO CHIEF MINISTER LEH BAWRHSAP TEN LAWNGTLAIA SOLID WASTE MANAGEMENT SYSTEM TLAWH
Vawiin khan Dr. Lorrain Lalpekliana Chinzah, Adviser to Chief Minister ( H&FW, A& FW), Lawngtlai East bialtu MLA nibawk leh Pu Donny Lalruatsanga, Lawngtlai Bawrhsap- te chuan Solid Waste Management System,Lawngtlai chu a hmunah kal in an enfiah a. Er. Robin Vanlalhrina (UD&PA) chuan a tawiawm a ni.Dr. Lorrain Lalpekliana Chinzah, chuan Lawngtlai khawpuiin bawlhlawh sawngbawlna tha tak a nei tur chu lawmawm a tih thu a sawi a. Peih fel a nih hunah chuan Lawngtlai khawpuiin faina leh thianghlimna kawngah nasa takin hma a sawn phah dawn a ni, a ti. Mipuiten an mamwhna hriaa, chak leh tha taka hnathawh bakah a hun taka zawhfel a tul hle a tih a tarlang a. Sawrkar hmalakna kawng hrang hrangah tha tak, rintlak leh huntiam chhunga zawh a nih theih nan contractor – te pawhin theihtawp chhuah a tul tih a sawi. Solid Waste Management System,Lawngtlai chu mipuiten hman an chak tawh hle tih tarlangin, chak taka thawk turin contractor – te a chah nghal bawk.
Pu Donny Lalruatsanga, Lawngtlai Bawrhsap chuan chak zawk leh tha taka hnathawh a nih theih nan theihtawp chhhuah a tul thu a tarlang a. Hnathawh mekte pawh endik reng a nih thu sawiin, uluk taka endik chhunzawm zel a ni ang a ti a. Faina leh thinghlimna kawnga a sulsutu pawimawh tak a nih tur thu a tarlang a ni.
Solid Waste Management System,Lawngtlai hi Urban Development & Poverty Alleviation (UDPA) hnuaia sak niin, cheng 6,97,70,000 senga sak tur a ni a. Hnathawh hi kum 2024, October- khan tan a ni a, kum hnih chhunga zawh fel tura ruahman a ni. Solid Waste Management System, ah hian – Wet Waste Composting Centre, Dry Waste Composting Centre, Site Office cum Staff quarters, Sanitary Landfill leh a dangte a awm dawn a. Solid Waste Management System, Lawngtlai hi KMMTP kawngpui Phaikhangmual a awm niin, a sak hna thawktu hi Lalfamkima, Aizawl a ni.
