Champhai-ah First Responders Training buatsaih
District Disaster Management Authority (DDMA), Champhai chuan chhiatrupna thlen palh thulha chet lak leh inchhanchhuah dan zirtirna First Responders Training chu Chanem Building-ah buatsaihin, Pu Lalhruaimawia, District Organizer, DM&R chuan a kaihruai a ni.
Pu Lalhruaimawia chuan training buatsaih a nih chhan sawiin khawtlang tlawmngai pawlte leh volunteer-te chu chhiatna a thlen meuh chuan a hmun thleng hmasa ber (First Responders) an nih thin avangin, inring renga an awm a, invenna leh chhanchhuah hna thawh dan an hriat a pawimawh thu a sawi.
He Training hi Quick Response Team (QRT) leh Aapda Mitra Volunteer-te tana buatsaih niin, Training-ah hian chhiatrupna lirnghing, leimin, kangmei leh chhiatna dang a thlen thulha inven hmasak dan, hliam tuarte hmun hima sawn dan, First Aid pek dan leh chhanchhuah hna thawh dan hrang hrangte kimchang taka zirtir an ni a, practical training pek nghal an ni bawk.
