TATA AIG chu Kharif 2026 atan Mizoram District 11 ah Pradhan Mantri Fasal Bima Yojana (PMFBY) kalpuitu Insurance Partner atan ruat a ni
India ram a general insurer lar berte zinga mi TATA AIG General Insurance Company chu Kharif season 2026 atan Hnahthial, Serchhip, Aizawl, Lawngtlai, Mamit, Saitual, Siaha, Champhai, Khawzawl, Kolasib, leh Lunglei district a Pradhan Mantri Fasal Bima Yojana (PMFBY) insurance partner atan ruat a ni.
India sawrkar leh Mizoram sawrkar tangkawp, flagship crop insurance scheme PMFBY hian loneitute chu khuarel chhiatna, buh leh thlai tichhetu rannung leh natna avanga an thlai an chan thin te lakah sum leh pai lama venhimna pek a tum a ni. He scheme hi India rama agriculture sector a hmasawnna tur leh loneitute sum lakluhna nghet zawka thlawpna atana hmalakna pawimawh tak a ni.
Implementing insurance partner a nih angin TATA AIG General Insurance Company chuan he scheme hnuaia (Sawrkar in a thlan bik ching tute) notified crops chingtu loneitute enrollment a ti awlsam dawn a ni. Loneitute chu an eizawnna humhalh nan leh khaw lum lutuk, khaw vawt leh thlai chin tichhe thei kaihnawih in sum lama nghawng a neihte tihziaawm nan PMFBY hnuaia inziak lut turin an fuih a ni. Enrollment hi bank kaltlangin, Common Service Center (CSC), official PMFBY website kaltlangin tihfel theih a ni. Loneitute pawhin an premium hman tur chu an enfiah thei a hun bituk chhung in an inziak lut fel thei a ni.
He hmalakna hian TATA AIG in India rama loneitute chu harsatna thleng theite venhimna tur a ruahmanna thar leh insurance awareness hmanga puih chhunzawm zel a tumna a tilang chiang hle a ni. PMFBY kaltlanga thawhhona hmang hian thingtlang lama harsatna an tawhte puih leh Mizoram pum a loneitute zingah thlai insurance chungchanga awareness chak zawk a kalpui a tum a ni.
