Kawrthah Forest Division in Public Outreach Grievance Redressal Programme hun hmang
Vawiin khan Zawlpui khuaah Pu Karthikeyan V, DFO Kawrthah hoin Kawrthah Forest Division chuan a vawi 7-na atan “Kan ramngaw kan nunna” tih leh “Kan ramngaw hi kan nun khawchhuahna a ni” tih thupuia hmangin forest dan leh hrai te inhriattirna VC, YMA, MHIP leh MUP member te nen hun hman a ni.
Pu Karthikeyan V, chuan Forest (Reserve Forest) chhunga cheng khaw mipuite’n dikna chanvo leh mawhphurnate mipuite hnenah a hrilhfiah a. Tut-Langkaih Protected Council Reserve Forest, Riverine Reserve Forest leh Mizoram Forest Act chungchang sawifiahna te a nei a ni.
Zawlpui khua chu Langkaih kama awm an nih avangin Minor Forest Produce hrang hrang mau, balu leh anchiri te ti chereu lo tur leh a hman leh lakdan chungchangte a hrilhfiah a. Reserve Forest chhunga balu leh minor forest produce hrang hrangte chu mipuite’n an mamawhnaa an hman theih thu leh sumdawn nana hman phal anih loh thu te a sawi a. Reserve Forest chhunga khaw awm te’n an khaw ram chhung chu khawdang mi hnena hralh phal anih loh thu leh anmahni khaw bil tan chauha ram chu an humhalh tur anih thu te a hrilhfiah a ni. Tin, nungchate humhalh kawngah leh Forest produce te venhim kawnga Department-te thlawp tlat turin leh thawhhona tha tak neih zel a duh thu a sawi bawk.
Mipui lam atangin Langkaih Balu pump avanga a phurtu motor-in kawng a rah chhiat nasat avangin khawtlangin harsatna an tawh nasat thu ngaihthlak a ni a. DFO chuan a theih ang anga hmalak sak an nih tur thu a sawi a ni.
