TRAI chuan North East LSA hnuaia Mizoram State-a Lunglei, Lawngtlai leh Siaha District leh a chheh vêl hmunte-ah Mobile Network Quality a endik a.
Telecom Regulatory Authority of India (TRAI) chuan North East LSA hnuaia Mizoram State-a Lunglei, Lawngtlai leh Siaha District leh a chheh vêl hmunte-ah May 2026 thla chhûnga Independent Drive Test (IDT) neih aṭanga a hmuhchhuahte chu telecom hmanpuite hriat tûrin a tlangzarh ta a ni.
He drive test hi Telecom Service Providers (TSPs)-in an pek mobile network service (voice leh data)-te real time a an quality chu enfiah leh finfiah tûra neih a ni. IDT kalpui chhûngin, TRAI chuan Coverage, Call Drop Rate (CDR), Call Setup Success Rate (CSSR), data Download (DL) leh Upload (UL) throughput leh Quality of Service (QoS) parameter pawimawhte dangte-ah TSP-te thawhṭanna a teh a.
Hêng result-te hi telecom hmanpuite hriat tûra puan chhuah an ni a, chutih rual chuan TSP-te pawhin an service tihthat zêl an tum theih nân a ṭangkai bawk a ni.
