Khawzawlah free health camp buatsaih a ni
Vawiin khan Khawzawl District AIDS Prevention & Control Committee (DAPCC), Chief Medical Office, Superintendent of Police Office, District Transportation Office leh Zoram Drivers Union tangkawp huaihawtin Zaingen YMA Hall-ah commercial leh sawrkar driver-te pualin Free Health Camp buatsaih a ni a.
Khawzawl Bawrhsap Pu K. Vanlalthiana, DAPCC Chairman ni bawk chuan a hmunah kalin thawktute a kawm a, Health Camp tha taka buatsaih a nih theih nana an thawhrimna avangin lawmthu a sawi a ni.
Free Health Camp-ah hian driver-te bakah mipui a duh apiang tan a thlawnin test chi hrang hrang Blood Group, Diabetes, Blood Pressure, Hepatitis, Syphillis leh HIV te a tih theih a, Khawzawl District Hospital atangin Sr. Medical Officer Dr. Zozikpuii leh Dr. Lalnunpuii Renthlei te an duty a, Rashtriya Bal Swasthya Karyakram (RBSK) scheme hnuaia Medical Officer pahnih Dr. Zosangliana Renthlei leh Dr. Rebecca K. Zikpuii te an awm bawk a ni. Inentir tura lo kal zawng zawng hi mi 91 niin, sawrkar driver mi 29, commercial driver mi 26 leh mipui 36 an ni.
