Mizoram Legislative Assembly Speaker Pu Lalbiakzama’n Telangana State Legislative Assembly Speaker inkawmna neihpui
Vawiin khan Mizoram Legislative Assembly Speaker Pu Lalbiakzama chuan Vidhan Sabha, Hyderabad, Telangana-ah Telangana State Legislative Assembly Speaker Pu Gaddam Prasad Kumar chu hmuin inkawmna a neihpui.
Speaker Pu Lalbiakzama chuan Telangana Speaker nen an State Assembly ve vea an kalphungte sawi dunna hun neiin, State puitling leh lian zawk Telangana ang atang Mizoramin thurawn an mamawh thin thu a sawi a. Mizoram leh Telangana chuan thawhhona tha zawk an neih theih a duh thu a sawi bawk.
Telangana Speaker Pu Gaddam Prasad Kumar pawhin Mizoram inrelbawldan chu fakin, Mizoramin remna leh muanna an neih ang hi Telangana State tan a awh thu Pu Lalbiakzama chu a hrilh bawk a. Pu Lalbiakzama chuan Telangana Speaker chu remchang hmasa berah Mizoram chu rawn tlawh ve turin a sawm bawk.
Telangana hi bicameral system-a sorkar niin Legislature (MLA 119) leh Council (MLC 40) an nei a. Telangana State khawpui Hyderabad-ah hian an state pumpuia mipui 50% an khawsa a ni.
