Mamit-ah Ministry of Rural Development officials te nen VB GRAM G Act inbuatsaihna thlirho
Vawiin khan DC Conference Hall, Mamit-ah Ministry of Rural Development atanga hotute nen VB GRAM G Act 1st July,2026 atanga kalpui tak chu Mamit district a kalpui dan leh inbuatsaihna thlirho a ni a,Pu Suvigya S Chandra, District Bawrhsap chuan he hun hi a kaihruai.
Vawiin hunah hian Pu Lalchhanhima, Project Director,DRDO chuan Mamit district chhunga block pali hnuaia hmalak tawhna te sawi zauna hun a hmanga, hmalak ngai leh harsatna an tawh te hotute hnenah thlenin mipuite nena thawhhona tha an neih theih zel nan an harsatna te sutkian pui turin a sawm.
Vawiin hunah hian Ministry of Rural Development atangin Shri Ajay Kumar, Director, Shri Prince Tomar, Under Secretary leh Shri Ankul Goyal, Section Officer te chu VB GRAM G Act inbuatsaihna rawn enin, Reiek block a hmalakna en tum a ni a, State in puih an ngaihna lai te rawn enfiah turin an rawn kal a ni. Shri Ajay Kumar chuan VB GRAM G Act ina tum tlangpui te sawiin Sawrkar Laipui chuan India rama state zawng zawng tlawh chhuah nise tiin team din a ni a, Mizoram-ah Mamit district chu Aspirational district a nihna anga ngai pawimawhin inbuatsaihna enpui tur leh harsatna mipui te hotute ina an tawh sutkian an tum thu a sawi.
Pu Suvigya S Chandra, District Bawrhsap chuan Sawrkar Laipui atanga hotute a hmun ngeia hnawthawhna enpuia an lo kal thei chu lawmawm a tih thu a sawi a, he act mipuite tana hamthatna Sawrkar Laipuiin a duan chu hlawk taka hman a ni theih nan line department te nen theihtawp an chhuah tur thu a sawi bawk.
