Kawrthah Forest Division in Public Outreach / Grievance Redressal Programme hun hmang
Nimin khan Mamit District Thinghlun khuaah Pu Karthikeyan V, DFO Kawrthah hovin Kawrthah Forest Division chuan a vawi 6-na atan “Kan ramngaw kan nunna” tih leh “Kan ramngaw hi kan nun khawchhuahna a ni” tih thupuia hmangin forest dan leh hrai te inhriattirna hun hman a ni.
Pu Karthikeyan V, chuan Forest (Reserve Forest) chhunga cheng khaw mipuite’n dikna chanvo leh mawhphurnate mipuite hnenah a hrilhfiaha. Tut-Langkaih Protected Council Reserved Forest, Riverine Reserve Forest leh Assam-Mizoram boundary chungchang sawifiahna te a nei a ni.
Thinghlun khaw mipuite chu Assam leh Mizoram inrina bula khaw awm anih avangin ramri buaina tichhuak thei zawnga khawsa lo turin a fuiha. Reserve forest chhunga Balu leh minor forest produce hrang hrangte chu mipuite’n an mamawhnaa an hman theih thu leh sumdawn nana hman phal anih loh thu te a hrilhfiah. Forest produce te venhim leh enkawl kawnga Department te min thlawp tlat turin leh thawhhona tha tak neih zel a duh thu a sawi bawk.
Mipui lam atangin Ramri buai avanga an thlai chin te Assam lamin an tihchhiat sak thin thu te, Teak Permit chungchanga buaina an tawh dan te ngaihthlak a ni a, inhrilhfiah ngaite hrilhfiah a ni. He hunah hian Thinghlun khaw mipui te an lokal tha hle a, programme hlawhtling takin hman a ni.
