Saitualah his little feet flag off programme neih a ni
Vawiin khan His Little Feet, Windsor Colorado USA-a tel tur naupang panga, Hlimna In Girls Home atangin pahnih (2) leh Serenity Boys Home atangin pathum (3) chu District Child Protection Office-ah flag off hun hman a ni.
He hun hi Pi Lalsiammawii DCPO, Saitual-in kaihruaiin Bible chhiar leh tawngtaina hun hi CWC Chairperson, Pu R.K Zoramchhuna’n a hmang a, Pi Lalmuanawmi Superintendent, Serenity Boys Home chuan His Little Feet programme chungchang report a pe a, naupang chhungte leh school-a an zirtirtuten naupangte hi an tawiawm bawk a ni.
Pu Lalnunpuia, Superintendent, DC Office chuan naupangte hi District Child Protection Unit Office kawt atangin a vai liam a ni.
