Chief minister-in shillong-a damlo thlenna in sak mek a tlawh
Ministry of Finance buatsaih Seminar hmanga Shillong-a cham mek Pu Lalduhoma chuan vawiin khan, Mawdiangdiang, Shillong, NEIGRIHMS hospital bula Mizoram sorkarin damlo, he Hospital pantute thlenna tura a buatsaih Patient Lodge sak mek a tlawh a. Luah theiha buatsaih zui dan tur a en. He Lodge Approved cost hi Rs 4.19 crore niin NEC Fund atanga thawh a ni a. NEC hian fund zawng zawng an release tawh a, project hi 100% complete thuak tawh niin khum 60 awm tura ruahman a ni.
Chief Minister ho hian NEC project in ken tel loh mamawh dang la awm; a hungna te, a kawt pavement te, furniture leina turte sawi ho a ni a. NEIGHRIMS Hospital a boralte han chawlpuina tur leh thlahliamna tur an mamawh thu Shillong Mizo Welfare pawhin an lo thlen bawk. Tin, he hmuna thawktute chenna tur pawh sak a tul nia ngaih a ni a.
Heng mamawh te hi PWD in estimate leh proposal siamin Planning Department ah thehlut se, an ti. Tui supply atan Meghalaya sawrkar hian tui drill phalna pawh min pe tawh a, hma lak mek a ni. Chief Minister hi Pu NG Yirmayai, IES, Director (Health Sector), NEC te, Mizoram sorkar Planning Department leh PWD Official ten an tawiawm a ni.
