Champhaiah Fisheries Department-in Insulated- Refrigerator Van semchhuak
Vawiin khan DFDO Office Champhai chuan Insulated -Refrigerator Van (Sangha vawt ah dahna Motor) an semchhuak a, he hun hi Champhai District Bawrhsap leh Chairman DLC PMMSY Pu Mohammad Aaquib chuan a hmanpui.
Bawrhsap Pu Mohammad Aaquib chuan thu sawiin, sangha vawn thatna tha tak Fisheries Department-in an chhawpchhuak thei chu lawmawm a tih thu a sawi a, hun kal zel turah beneficiary tam zawk an rawn awm zel a duhsak a, he van hi Pu Lalrinawma tan chauh a tangkai dawn lo tih sawiin sangha khawi te bakah sangha hmanga eizawngte tan hlei hlei a tangkai dawn tih a sawi a, tangkai taka hmang turin duhsakna a hlan a ni.
He hun hi Pi Lalremsangpuii DFDO chuan kaihhruaiin hetiang a Van tha Champhai in an dawng thei chu lawmawm a tih thu sawiin hun lo la kal zel turah pawh Fisheries chauh in a hamthatna hi nei loin Agriculture allied Dept dang Agriculture, Horticulture, Sericulture leh AH&Vety Department-te pawhin an hman tangkai theih tur a nih thu a sawi a, Mizoram hi marketing leh by-product lam ah kan than chhoh zel avangin he motor hi Fish Farmer Assoctiation Champhai District a lo kal zawng zawng te pawhin chhawr tangkai se a duh thu a sawi.
He tanpuina hi 60:40 a lo kal niin Beneficiary atan Pu Lalrinawma, champhai Vengthlang chu thlan niin Department lam hian nuai 12 pe in anni hian nuai 6 vel an seng ve thung.
DFDO chuan hetiang a Fish farmer zinga District pum huap ngaituah vanga inseng ngam an hmu thei hi lawmawm a tih thu a tarlang bawk.
He hawnna programme ah hian DLC board member te leh Department atanga HOO te bakah Fish Farmer Association Champhai District atangin he programme hi an chhim a ni.
