Mp lad fund atanga tuirial kawngpui sial rajya sabha mp in tlawh
Nimin khan Rajya Sabha MP Pu K.Vanlalvena chuan Ratu khua atanga Tuirial tuikhuah panna kawng MP Fund hmanga laih zawh thar chu a hmunah kalin a enfiah. Ratu khaw mipui ten an ram thui tak chim tu Tuirial tuikhuah chu tangkai zawka an hman theih a, a hmun thlenga motor a kal theih nan MP Fund hmangin kawng a laih sak a.Kawng laih tlang a nih hnu hun rei lote chhung pawhin mi tamtak ten sangha mana eizawnna an hmuh phah nghal mai bak ah lo neitu ten an thlai thar te hahdam zawkin an phurh chhuah theih phah dawn a ni.
Rajya Sabha MP chuan Ratu PHC tlawh nghalin CSR fund hmanga Ratu PHC tihchangtlun dan tur te a enfiah bawk a. Ratu damdawiinah doctor pangngai awm rih loh avanga Darlawn damdawiin atanga doctor pakhatin a hmui avanga harsatna an tawh thu an lo hruilh a ni.
Rajya Sabha MP hi Pu Lalhmingthanga Executive Member, Sinlung Hills Council, Ratu bialtu nilai leh Ratu khawtlang hruaitu ten an tawiawm a ni.
