Mizoram state project monitoring committee inspection team ten augmentation of n. Vanlaiphai w.s.s tlawh
Mizoram State Project Monitoring team chuan vawiin khan North Vanlaiphai Water Supply Scheme siam mek an tlawh. Er. Lalthanzuala, Secretary Mizoram State Project Monitoring Committee chuan Pump hmunah Pre-Visit Discussion neihpuiin project an endik dan turte a sawi lang hmasa a, hna kal mek zawh hun a ni tawh dan te leh harsatna hrang hrang avang a zawh a la nih loh dan a sawi a, an endikna turah khawtlang hruaitu kalkhawmte leh hnathawktu te an duh dan leh thil an kalpui dan dik tak sawi lang turin a ngen.
He project an endiknaah hian Building hrang hrang hnathawhte, Electric transform, Pump meterial (khawl hrang hrang) an hman te a dik ngei em tih an enfiah a ni. Khawchhung distribution line te leh Main Reservoir tanky te a hmunah an en zui bawk.Inspection team te chuan tun aia nasa leh chak zawk a hna thawk turin Contractor te an ngen a, mipuite mamawhna a sanzia te in hrilh in March, 2026 ah chuan zo ngei tur a tan la turin a chah bawk.He pump hi ni khatah darkar 16 pump thei tur a beisei a ni a, cubic metre 720 (9lakh litrs) pump thei tur a ngaih a ni. N.Vanlaiphai Tourist Lodge ah exit meeting neih zui leh niin, inspection khar a ni.
He endikna ah hian Mizoram State Project Monitoring Committee atangin Er. Duhkima, Member MSPMC; Er. R. Romawia, Member MSPMC; Er. Vanlalhruaia, Member MSPMC; Pi Vanchhungi, Task force; Er. Remlalmuanpuia, Member MSPMC te, Contractor leh hnathawktute an tel a. Anni bakah hian N.Vanlaiphai VC I leh II, YMA leh khawtlang tan a mi thahnemngai ten a hmun ah an telpui a ni.
