All parliamentary floor leaders meeting ah rajya sabha mp pu k. Vanlalvenan sairang to aizawl four lane road siam tul a tih thu a sawi
Naktuka tan tur Parliament Budget Session inbuatsaihna All Parliamentary Floor Leaders meeting-ah vawiin khan Mizoram Rajya Sabha MP Pu K. Vanlalvena chuan Mizoram tana thil pawimawh a sawi chhuak.
Pu K. Vanlalvena chuan Sairang Rel Station atanga Mizoram chhim tawp Myanmar ramri thlenga Rel kawng sialna tur zirchianna hmasa Preliminary Survey zawh a nih tawh thu sawiin, he rel kawng sialna tur pawisa chu kumin Union Budget ah hian dah nghal a tul thu a sawi chhuak a. A rang thei ang bera he rel kawng thar hi India ram tan leh Mizoram tan a pawimawh tur thu a sawi.
Rajya Sabha MP chuan Sairang rel kawng thar hi nikum ah Prime Minister in a hawn thu sawi in, Sairang rel station chu Aizawl atanga Lengpui Airport panna kawngpui sira awm a nih avang leh rel station thar a awm avangin motor kawng a lun thar hle tih a sawi chhuak a. Tuna kawngpui awm sa Aizawl leh Sairang inkar motor kawng chu a zau tawk tawh lo tih sawiin a rang thei ang bera Sairang Rel station leh Aizawl khawpui inkar chu Four Lane kawnga siam a tul thu sawiin, kumin 2026-27 Union Budgetah dah nghal a tul thu a sawi bawk.
