Lawngtlai district disaster management authority ten thutkhawm nei
Vawiin khan Lawngtlai District Disaster Management Authority chuan DC Office Chamber- ah Pu Donny Lalruatsanga Bawrhsap leh Chairman, Lawngtlai District Disaster Management Authority nibawk kaihhrauina in thutkhawm neih a ni.
Pu Donny Lalruatsanga chuan kalkhawmte hnenah lawmthu sawiin Mizoram chu tlâng ram a nih avangin lirnghing, leimin leh chhiatrupna dang tam tak thleng thei dinhmun a din ni a ti a. Chhiatrupna (Disaster) lo thleng lakah nunna chân lo tur leh, thil tihchhiat a tam lohna turin inbuatsaihna tha a tul hle tih tarlangin, Mock Drill neih turah theihtawp chhuah a tul tak zet a ti. District Disaster Management Plan SOP fel fai tak siam a ni ang a, Department zawng zawngah sem chhuah a ni dawn a, uluk taka lo zirchiang turin department hotute a chah.
Thutkhawmah hian ‘Mock Exercise on Fire leh Earthquake kalpui nise tih a ni a. Mock Exercise hi dt.30/1/2026 ah LAHAS ah Mock exercise on Fire leh LCMC ah mock exercise on Earthquake neih nise tih a ni a, Sangau leh Chawngte RD Block ah Febuary,2026 thla chunga hman nise, Lawngtlai leh Bungtlang RD Block ah March, 2026 thla chhunga hman nise, Mock exercise tur chu an mahni in thlang mai se tih a ni.
