Agriculture minister in kvk kolasib , alu chi sem chhuahna hun hmanpui
Vawiin khan KVK Kolasib te chuan kuthnathawktu te hnen ah Alu chi sem chhuah na hun an hmang a. Heng Alu te hi Indian Agricultural Research Insitute, New Delhi, te hnen atanga hmuh a ni. He hun hi Agriculture and Farmers Welfare Minister Pu PC Vanlalruata chuan khuallian ni in a hmanpui a. Aizawl atangin Department of Agriculture and Farmers Welfare Director Pu R. Lalnunzira leh officials dang eng emaw zat in an tawiawm a ni. Alu chi semchhuah na inkhawm tawi hman hma hian Minister Pu PC Vanlalruata chuan SASCE (2022-2023) sum hmang a sak Plant Health Clinic chu a hawng a. Hemi hnu hian Alu chi sem chhuah na hun hi hmang nghal a ni. He hun hi Dr. Michelle C. Lallawmkimi Senior Scientist & Head KVK Kolasib chuan a kaihruai in Dr Carolyn Zothansiami chuan technical report a pe a. KVK Kolasib hmalakna in kuthnathawk tute hnen ah hian Alu chi hi 96 quintal sem chhuah tawh a ni a, Variety 10 enchhin tawh ni in, Kolasib district huam chhung a khaw 11 an cover tawh thu a sawi tel a ni.
Khuallian Pu PC Vanlalruata chuan Kolasib, Mamit leh Lawngtlai te hi Agriculture kaihhnawih a potential nei tha em em district te an ni a, amaherawh chu heng district ah te hian sawhthing erawh a that theih loh thu sawi in, heng te hi mithiamten zirchiang na nei se a duhthu a sawi lang a. Kuthnathawktute chuan hlawhtlinna chang ngei tura hna an thawh a tul thu sawiin, a thlawn a thil sem ringawt a lungawi lo in, mithiam rawn chunga ti leh zel tur leh Model ni tur in kalkhawm te chu a fuih a ni. Khual zahawm Pu R. Lalnunzira chuan Thingdawl Agriculture farm ah Alu chi siam chuah theih tawh dawn thu a sawi a, hei bak ah hian a vawn that na tur Cold Storage te pawh hawn a nih dawn thu a sawi tel bawk a ni.
He hun hi Dr. Michelle C. Lallawmkimi, Senior Scientist & Head KVK Kolasib chuan kaihruai in, kalkhawmte lawmna thu a sawi a, kuthnathawktute an hnathawhah harsatna an neih chuan mithiam zawk te tun ai a be rawn tam zawk tura fuih nghal in, uar leh zual zawk a thlai ching tur in kalkhawm te a sawm nghal. Alu chi Mizoram in kan la intodelh loh thusawi in, kum tin a chi hi hmun dang atanga ngaihtuah a ngaih ziah thu leh hei vang hian hma taka alu chhin theihna tur kawng ah nasa tak in harsatna a awm phah thin thu a sawi.
