Lungleiah World AIDS Day hman dan tur ngaihtuahin District AIDS Prevention & Control Committee an ṭhu khawm
Nimin khan Lunglei District AIDS Prevention & Control Committee (DAPCC) chu Additional Deputy Commissioner Pi Zoramdini hovin Lunglei DC Conference Hall-ah an ṭhu khawm a. World AIDS Day 2025 hman dan tur an sawi ho.
Lunglei DAPCC ṭhu khawm chuan World AIDS Day 2025 hi December ni 1, 2025 chawhma dar 11-ah Lunglei Convention Centre-ah hman ni se, an ti a. Khuallian atan Additional DC Pi Zoramdini beisei niin, World AIDS Day 2025 thupui, “Overcoming disruption, transforming the AIDS response” tih thupui hmanga thuchah sawi turin District AIDS Control Officer Dr K. Lalhmachhuana beisei a ni bawk a. TI-NGO-a thawktute leh HIV kai awlsam dinhmuna dingte a tam thei ang ber tel tura sawm ni se tih niin, hun hmanpui turin District chhunga mipui hriat hlawh zaithiamte sawm ni se, tih a ni bawk.
He ṭhut khawmah hian DAPCC member aṭangin sawrkar official-te, tlawmngai pawl ai awhte leh MSACS staff-te an tel.
