PRIME MINISTER MODI’AN PM KISAN INSTALLMENT VAWI 21 SEMCHHUAHNA TAMIL NADU COIMBATORE ATANGA A HMAN CHU KVK KOLASIB ATANGIN LIVE TELECAST HMANGA CHHIM VE A NI
Vawiin khan India ram Prime Minister, Pu Narendra Modi chuan Kuthnathawktute tuamhlawmna Scheme pui ber PM KISAN hnuaia hamthatna pawisa dawng thei tur mi vaibelchhe 9 chuang hnenah Direct Benefit Transfer hmangin, Tamil Nadu, Coimbatore atangin cheng vaibelchhe 18000 a sem chhuak a. He hunah hian South Indian Natural Farming Summit 2025 a hawng nghal bawk.
PM KISAN scheme hi kum 2019 atanga bul tan niin, tun tuma a sem chhuah hi a vawi 21 na a ni. Khawvel a kuthnathawktute hamthatna tur DBT hmang Digital Marvel lian ber a ni a, he scheme-a in ziaklut te chuan thla li danah Rs. 2000/- theuhin kum khatah Rs. 6000/- an account ah Direct Benefit Transfer (BDT) hmangin an dawng thin a ni.
Kolasib District ah chuan he hun hi KVK Kolasib Training Hall ah PM KISAN hamthatna dawngtute nen hmanho ani a, Thingdawl leh Kolasib khawchhunga loneitu sawm bik te nena hun hman ho a ni. Dr. Michelle C Lallawmkimi, Senior Scientist & Head, KVK Kolasib in he hun hi kaihruaiin, District Agriculture Officer Pu Joseph Lalnuntluanga’n PM KISAN chungchanga hriattur tul leh pawimawhte a sawi a, Natural farming chungchang KVK mithiamte hnen atangin ngaihthlak ani bawk. District Agriculture department te, Horticulture te, ATMA te bakah khawtlang aiawh hruaitu te an tel bawk a ni.
