CHIEF MINISTER KAIHHRUAI HIGH LEVEL TASK FORCE ON NORTH EAST ECONOMIC CORRIDOR TEN ONLINE MEETING NEI
Vawiin tlai khan Chief Minister Pu Lalduhoma kaihhruai High Level Task Force on the North East Economic Corridor te chuan online meeting an nei.Chief Minister-in thuhmahruai leh chibai bukna a sawi zawhah Pu Lalmalsawma Pachuau, Secretary, Planning chuan he High Level Task Force ten meeting an lo neih tawh atanga rawtna lutte behchhana report an duante a sawifiah hmasa a.
An rawtna siam zingah hian Bangladesh leh NE state khawpuite inkalpawhna kawngpui lian neih chungchang te, India – Myanmar – Thailand inkalpawhna tur kawngpui chak zawka thawh te, Guwahati chu hmunpuia hmang a Helicopter hmanga NE khawpuite inthlunzawmna tha zawk siam te, Inland Waters Ways pawimawh Barak, Brahmaputra leh a dangte thuam that te, Rail hmanga hmarchhak khawpuite thlunzawm a, rel service man tlawm a awm theih nana Electric Train hman uar te, Internet Service tha zawk leh zau zawk din te, border trade Infrastructure din thar leh tihchangtlunna te leh hmarchhak ramte tana product branding awlsam leh market zau zawk siam te leh rawtna dang tam tak a tel a ni.
Meeting hi Pu Jyotiraditya M Scindia, DoNER Minister leh member state aiawh Minister te an tel a. Vawiina an sawihote nen hian Final Report an siam tawh dawn a ni.
