Mizoram Stenographers Service Association Conference hmang
Vawiin khan MSSA ( Mizoram Stenographers Service Association) chuan Annual General Conference leh Kum 50 (Golden Jubilee) lawmna hun I&PR auditorium, Treasury Square ah an hmang.Tun Annual General Conference 2025 hi MSSA din tirh atanga kum 50 -na (Golden Jubilee) a ni a. urhsun takin MSSA member ten an hmang a ni. He conference ah hian Pi R. Lalhmingliani, Vice President, MSSA chuan hun kaihruaiin Pi Daphne Zosangpuii, President, MSSA chuan kalkhawm Association member te hnenah fuihna thu a sawi.
Tunah hian MSSA ( Mizoram Stenographers Service Association) ah hian Member 163 an awm mek a, affiliated member 2 te nen member 165 an ni a. Conference ah hian member 100 bawr velin an chhim bawk.
Mizoram Stenographers Service Association te hi Office leh Officers’ Chamber tina PA/Sr. PA/PS/PPS/ Sr.PPS te niin, office leh officers’ chamber enkawltu pawimawh ber an ni a. MSSA members te hi Mizoram Sorkar office kengkawhtu leh enkawltu pawimawh tak an ni bawk.Pi Daphne Zosangpuii, President, MSSA chuan kalkhawm member-te hnenah Service pawimawhna; Sorkar tana theihtawp chhuah zel turin kalkhawm member-te a fuih a ni, office a khualchhawntu ber leh hotute kut leh ke ber kan nih avangin taima tak leh thahnem ngai taka Mizoram tana thawk zel turin a fuih bawk.
