State Level Science Drama Competition nei
Vawiin khan SCERT leh National Council of Science Museum, Ministry of Culture, Government of India te huaihawtin Chanmari YMA Hall-ah 9th State Level Science Drama Competition neih a ni. State Level Science Drama Competition atan hian District panga (5) script thehlut tura sawm an ni a, script thehluhte aṭangin school pathum (3)- Shemford HSS, Zotlang Aizawl, St. Paul’s HSS, Tlangnuam, Aizawl leh PES, Zotlang, Champhai te chu intihsiaknaa tel tura thlan an ni.
Kumin Science Drama intihsiakna thupui chu, ‘Science & Technology for the benefit of Mankind’ tih a ni a, sub-theme te chu – Women in Science, Smart Agriculture, Digital India: Empowering Lives, Hygiene for all leh Green Technologies te a ni. A endiknan hian Scientific content, presentation leh effectiveness- te tehfung atan hman a niin, Pu David Lallawmkima Fanai, Director (Academic) MBSE, Pu C. Vanlalsiama, Programme Executive, DDK leh Pu F. Lalliansanga, Deputy Director (SPW), SCERT ten an endik a ni.
He intihsiakah hian pakhatna chu St. Pauls HSS an ni a, pahnihna chu Shemford HSS, Zotlang niin pathumna chu PES, Zotlang, Champhai an ni. Best Script Writer chu David Thang Nuntluanga Guite, St. Paul’s HSS niin, Best Actor atan RJ Lalpekhlua, St. Paul’s HSS te thlan an ni bawk. He intihsiaka pakhatna St. Paul’s HSS- te hi Regional Science Drama Competition ni 21 November, 2025 a neih turah state aiawhin an tel ang a, chuta ti ṭha pahnih (2)-te chu National Science Drama Festival ni 6-7, January, 2026 chhunga Birla Industrial & Technological Museum, Kolkata a neih turah an tel ang.
He intihsiakna kharna inkhawm leh lawmman semna hi chhun dar 1 -ah neih niin Pi Zoramthangi Ralte, Joint Director, SCERT chuan a kaihruai a. Pu F. Lalliansanga, Deputy Director (SPW) chuan science drama competition huaihawt a nih chhan te sawiin report a pe a. State Level Science Drama Competition hi kum 2009 aṭangin Mizoramah neih ṭan niin, Science zirna chawi lar nan leh a pawimawh zia drama hmanga entir hi a tum pawimawh takte zinga mi a nih thu a sawi.Pi Caroline Zoramthangi, Director chu he kharna inkhawmah hian khuallian niin science drama intihsiakna inbuatsaih tirh atanga zirtirtute leh zirlaite inpekna ropui a tihzia a sawi a. Science leh technology hi hman sual theih a nih laiin tangkai taka hman anih chuan ram hmasawnna kengtu lian tak anih thu te, NEP 2020 in a ngaihpawimawh em em science temper, creativity, critical thinking leh experiential learning te chu he science drama competition hmang hian tarlan a ni chu lawmawm a tih thu a sawi.Endiktute atangin naupangte hmasawnna tur hrang hrang ngaihthlak a ni a. Pi Lalngaizuali Ralte, Programmer hnen atangin kalkhawmte hnena lawmthu sawina ngaihthlak a nih hnuah he inkhawm hi k
