Lungleiah hlawhtling takin Aadi Karmayogi Abhiyan hnuaia Block Master Trainer-te tana ni thum awh District Process Lab training zawh fel a ni
Ministry of Tribal Affairs hnuaia Aadi Karmayogi Abhiyan hma laknaa Lunglei District chhunga Block Master Trainer (BMT)-te tana ni thum awh District Process Lab training buatsaih chu hlawhtling taka zawh fel niin, vawiin khan Lunglei Circuit House Conference Hall-ah a kharna hun hman a ni.
Lunglei District Process Lab for Block Master Trainer kharna hun hi Lunglei Sub-Divisional Officer (Sadar) Pi TT Beikhaizi chuan hmanpuiin, hlawhtling taka BMT training buatsaih zawh fel a ni chu lawmawm a tih thu a sawi a. BMT-te chu mahni block ṭheuhva an hma lakna turah theih tawp chhuah tura chahin, duhsakna a hlan a. BMT training chhuakte hnenah thuziak (certificate) a hlan nghal bawk.Training kharna hi Lunglei District Social Welfare Officer (DSWO) & District Master Trainer Pu CL Joseph chuan a kaihruai a. BMT-te aṭangin thu sawi ngaihthlak a ni bawk.
Lunglei District Process Lab-ah hian Lunglei, Lungsen leh Bunghmun RD Block huam chhunga khaw 48-a zirtirna pe tura BMT thlan chhuah mi 17-te chu District Master Trainer (DMT) mi 7-in Aadi Karmayogi Abhiyan hnuaia hma lakna tur leh hriat tur pawimawh hrang hrang an zirtir a. BMT-te hian mahni block ṭheuhvah Block Level Orientation/Workshop leh Village Level Workshop te buatsaihin, Village Action Plan duan leh Village Seva C
