South Tuipui bialtu MLA in Hnahthial a thleng
South Tuipui Bialtu MLA Pu Jeje Lalpekhlua chuan vawiin chawhnu khan Hnahthial thlengin MLA Fund hmanga Primary School siam tlawhin a enfiah a, Institution leh Games & Sports Association hrang hrang hnenah infiamna bungrua leh Green Board a hlan bawk.
MLA Pu Jeje Lalpekhlua hian Hnahthial Govt. Primary School-VII building hlui tak MLA Fund a pek hmanga an chei thar a tlawh hmasa ber a, an mamawh Green Board pahnih a hlan nghal a ni. Anni bakah Electric Veng leh School of Agricultural Sciences (SAS) hnenah Table Tennis Board a hlan a, Hnahthial District Billiards Association hnenah Billiards Snooker Table a hlan bawk a ni.
MLA hian Mizo Zirlai Pawl, Headquarters Hnahthial buatsaih, District Level Middle & High School Quiz Competition Grand Finale chu zanin dar 7:00-a neih tur khuallian niin a hmanpui ang a, hemi hnu hian Aizawl panin a let leh nghal ang.
