GST khawn dan thar mipuite tan malsawmna a nih beisei a ni
Prime Minister Narendra Modi an Independence Day lawmnaa GST kalphung thar tur a sawi chu ramchhunga mipuiten tam takin an chhawr tangkai dawn a, hei hi mipui dawm kanna tur niin mi tam tak a chhawk zangkhai dawn bakah sum dinhmun tha zawnga a her rem beisei a ni.
Akashvani Aizawl chuan hemi chungchangah hian mithiam kawmin Political & Financial Commentator Pu Lalhunliana Ralte chuan GST khawn dan phung tih danglam chu thil tha tak ani a ti a, hei hian thil lei tura pawisa hmanna pawh a ti pung tura ngaih ani tih sawiin chhiah lut pawh a tlem phah tura ngaih a nilo tih a sawi a ni.
Pu Lalhunliana Ralte sawi danin India ramah chhiah khawn dan 4 ni thin chu pahnih lian deuhah khaikhawm ani a ti a, pakhat a sang ber zaa 40% chu mipui nawlpui nghawng lo tura ngaih anih avangin mi tam takin an ngaihven lutuk lo a ti a, zaa 18 mipuiin an chawina GST chu an ngaihven ber niin tunah chuan zaa 5% ah a tla thla tawh dawn a ti a, zaa 28% an chawi thin na ah zaa 18% ani tawh dawn tih sawiin hei hi India mipui zawng zawngin hman theih hun an nghakhlel hle a ti a, ramchhunga thil man hrang hrang pawh a tlahniam tura beisei ani ati bawk.
