‘Live Telecast on Release of 20th Instalment of PM Kisan’ programme Siaha-ah hman a ni
Inrinni khan Krishi Vigyan Kendra (KVK), District Agriculture Office (DAO) leh Block Development Office (BDO) Siaha te chuan ‘Live telecast on release of 20th installment of PM Kisan’ programme an hmang. He hun hi Dr H. Vanlalhmuliana, Senior Scientist and Head, KVK Siaha chuan kaihruaiin Pu J. Vabeikiasa, Executive Member i/c Agriculture, Mara Autonomous District Council (MADC) chuan khuallian niin a hmanpui bawk.Khuallian J Vabeikiasa, EM Agriculture, MADC chuan loneitute tan a he scheme pawimawhna leh that zia sawiin, a dawngtute pawhin a hmanna tur diktaka hmang theuh turin a chah hlawm a ni.
Pu John Lalnunsanga , Assistant District Agriculture Officer, Siaha pawhin PM Kisan dil theite chu lo neitute an ni a, lo neia eizawng lemlote tan dil chu eirukna nen a in an reng thu leh chhungkaw khat ration card a chuang zinga pakhat chiahin a dil theih thu te, sawrkar hhathawk group D leh MR tih loh tan dil theih anilo a, pensioner tan dil theih anilo bawk tiin ration card leh aadhaar card Xerox leh ram pass na nen agriculture office-ah dil theih a nih thu a tarlang. Kum khatah cheng 6,000/- ; tum thum cheng 2,000/- zelin lo neitute account ah thun thin a ni a, dil si dawnglo an awm a nih chuan Agriculture Office-ah Aadhaar card kengin zawhfiah theih a nih thu a kalkhawmte hnenah a sawi bawk a ni.
Pu Ravi Sharma, Programme Assistant (computer) chuan online hmanga Prime Minister Pu Narendra Modi thusawi chu kalkhawmte hriatthiam theih turin mizo tawngin a let bawk a ni. Pi J. Vanlalhluzuali, SMS, Agriculture Extension chuan kalkhawmte hnenah lawmthu sawiin hun a khar a ni.
