NORTH EASTERN COUNCIL SPECIAL DEVELOPMENT PROJECT ATANGA DAWN LIRTHEI LEH SOLAR LIGHT HLANNA HUN SIAHA-AH HMAN A NI
Vawiin khan DC Office Chamber, Siaha-ah North Eastern Council (NEC) atanga dawn Life Support Ambulance 1 (pakhat), Pick Up (4WD) 1 (pakhat) leh Solar light 9 (pakua) inhlanna hun hman a ni. Thilpek hlanna inkhawm tawi hi Pu VL. Hruaizela Khiangte, DC Siaha chuan kaihhruaiin thilpek hlan tur dawn a ni chu lawmthu sawiin damdawiina awmte mai bakah ram mipuite pawhin tangkai taka an hman a beisei thu a sawi. A hlawhtlinna tura tha leh zung sengtute zawng zawng chungah DC chuan lawmthu a sawi bawk.
Pu M. Misael, PD, DRDO Siaha chuan technical report pein Pu L. Beimopha, IRS hmalaknain North Eastern Council hnuaia Backward Community of Mara Community, Tipa RD Block, Siaha District hnuaia dawn niin, solar light hi khaw pakuaa sub centre-te tan a ni. Vawiina thilpek inhlan hi pawisa faiin cheng ₹32,22,486 (nuai sawmthum pahnih singhnih sanghnih zali sawmriat paruk) man a ni.
Pu VL Hruaizela Khiangte, DC Siaha chuan Dr Lalnunziri, Sr. CMO, District Hospital, Siaha leh Dr C Lalrosanga, DMS, District Hospital, Siaha te hnenah Lirthei leh Solar light hi a hlan a, Dr Lalnunziri chuan lawmthu sawina neiin district administration lam nen thawhhona tha tak neia a nachang hriate kaltlanga health department-in thilpek a dawn chu tangkai taka hman a nih tur thu a sawi.
