Saitualah sponsorship and foster care approval committee (sfcac) thukhawm
Vawiin khan Saitual Bawrhsap Dr. Lalngura Tlau hoin Sponsorship and Foster Care Approval Committee chu DC Office Chamber-ah an thu khawm. He hunah hian “Mission Vatsalya” scheme hnuaia naupang chhawmdawl ngai leh enkawlzui ngaite puihna chungchanga sponsor dilna 140 lut chu ngaihtuah a ni a. Chung zingah chuan dilna 100 te chu committee chuan a pawm a ni. Heng bakah hian la chuang mi 40 te chu la ngaihtuah that leh tur a dah a ni.
Saitual Bawrhsap Dr Lalngura Tlau chuan sawrkar scheme tha tak takte chu a nihna tura dik taka hman ngei tur a ni, a ti a, chhawmdawlna leh tanpuina dawngtute pawhin khawvel eng an hmuh ve ngei theihna atan hmang vek thei se a duh thu a sawi bawk. He scheme dawng thei turte chu a nihna tur dik taka hman a nih theih nan pek theih dan criteria hrang hrangte uluk taka thlirho thin a ni a, chumi atana pek tlakte chuan he sponsorship hi an dawng thin a ni.
Vawiin thutkhawmah hian Pu James Lalthangmawia, DCPO, Pi Lalruatkimi, Protection Officer, NIC, Pu RK Zoramchhuana, Chairman, CWC Saitual, Pi Lalbiaktluangi, President, MHIP, Sub-Headquaters te an tel a ni.
