Mamit-ah Raltlan tanpuina buhfai sem
Myanmar Refugees leh IDPs te tan a Mizoram Sawrkar, Home Department kaltlang a buhfai sem tura ruahman chu nimin atang khan Mamit District chhungah pawh sem tan a ni.
Buhfai hi DC Office Mamit atangin Pu Lalrinchhana, District Organiser, DM&R leh Village Level Committee on Myanmar Refugees/IDPs ten buaipuiin an sem a. Buhfai hi refugees awm tamna leh refugee camp awmna Dapchhuah leh Nghalchawm khuaah te pek hmasak an ni a, nimin lamah Dapchhuah khuaah sem niin vawiinah Nghalchawm a Myanmar Refugees te pek leh an ni.
Mamit District chhunga refugees te tan a buhfai sem tur hi avaiin 373 Bags (184.04 Qtls) niin mipakhat zelah 31.5 Kgs a sem tur a tih a ni a, Mamit district chhung a khaw hrang hrang a Myanmar Refugees leh IDPs awm te tan tunkum chhung a sem zawh vek hman tum a ni.
