44th Nabard’s foundation day pualin thingdawlah promotional event cum plantation drive neih a ni
Vawiin khan Thingdawl Vengthar Community Hall-ah NABARD, Kolasib bultumin Promotional Event cum Plantation Drive, 44th NABARD’s Foundation Day denchhenin hun hman a ni a. He hunah hian District Bawrhsap, Pu Robert C. Lalhmangaiha chu khuallian a ni. Khuallian Pu Robert C. Lalhmangaiha chuan NABARD in 44th Foundation Day champhaphak an hmang thei chu lawmawm a tih thu a sawi a. Ram mipuite tana malsawmna annih thu sawiin an hnathawhna azarah hmasawnna nasa tak ram mipuiten kan tel tawh a, kan tel mek zel a ni, a ti a. NABARD chuan Lo leh huan lo ram panna kawng Agriculture Link Road te sial sak in, tui lakna tur te leh a dahkhawlna an ngaihtuah sak thin thu te, Kuthnathawktute tan thingtlang Bazar pawh hmun tamtakah sak a lo nih tawh thu a tarlang a. DC chuan, heng hmalakna hrang hrangte hi hman tangkai anih theihna turin theitawpa tan lak a ngaih thu a sawi a. Sawrkar atanga hamthatna an dawn te chu hmang tangkai tur leh hlawhtlinpui ngei turin kalkhawmte a chah bawk.
Pu JD Traite, DDM NABARD pawhin thu sawiin vawiina NABARD din champha vawi 44th na denchhen hian Promotional Event leh Plantation Drive neih a nih tur thu a tarlang a. NABARD chungchang tarlangin, kum 1982 July ni 12 a din tan niin, Agriculture leh Rural Development atana din a ni, a ti a. NABARD chuan hmalakna lian tak tak pathum nei in, chungte chu Financial/Business, Promotional & Development programme te leh Supervision hna te anni, a ti a. Kolasib District ah pawh NABARD hian kawng hrang hrangah Farm Sector leh Non farm Sector ah te hmalakna chi hrang hrang anlo nei tawh thin a, hmachhawp tamtak a nei mek bawk a ni, a ti. Multipurpose Agriculture Credit Cooperative Society leh SHGs ah te pawh kawng hrang hrang a hmasawnna hna an kal pui bawk a. Cooperative Society leh SHGs te tana thil pawimawh- promotional event on oilseed/pulses/fruits & vegetables, Natural farming, organic farming leh kuthnathawktu pawl te tana tangkai tur tanpuina an pe thin a ni, a ti.
NABARD’s Foundation Day lawmna hi India ram puma July ni 12 atanga ni 19 thlenga hman mek a nih thu a tarlang bawk. He hunah hian sawkar Department thenkhat sawmbikte hnen atangin thusawi ngaithlak a ni a. Thingdawl huamchhunga Multipurpose Primary Agriculture Credit Society (MPACS) member te, Coperative Society memberte leh Self-help group mi thahnemtak an kal khawm a ni. He hun hman zawka hian Ek Ped Maa Ke Naam denchhenin Nursing School, Thingdawlah thing tiak phunna hun hman a ni bawk.
